хар сүлдний
тухай

Бид үргэлж

Манахын тангарагтай цагаан сүлдтэй

Энэ манаагаа хараас хамгаалах гэж

Хатан зүрхээ өргөсөн хар сүлдтэй

Аж төрсөн ардууд.

Дайны талбарт

Хар өнгийг хараад

Нэг л зүйлийг ойлгоно

Чи дайн хийж байна

Чи муу юм хийж байна

Чи аллага хийж байна

Дайн угаасаа ийм.

Өөрөөр хэлбэл

Улаан цусаа харлуулж

Цагаан тархиа бузартуулж

Хүмүүний амийг огтолж

Зүрхийг нь үхүүлж

Хүүхдийг нь уйлуулж

Эмийг нь ганцаардуулахдаа

Үүрэх ачаагаа хар өнгөөр төлөөлүүлж байна

Энэ шантралыг даваад

Хард нэвчин орохдоо

Чамд бодох зүйл ганц

Энэ хар зөвтгөгдхийн шалтгаан юу вэ?

Халуун цусыг алгаараа мэдрэх нь

Хонь гаргахтай адил бус

Хамгийн хэцүү бошго

Ижил нуруутан

Ижил сарвуутан

Ижил зүстэнээ ална гэдэг

Энэ асуултанд хариулт олохын мөр

Яагаад энд ирсэнээ сана

Юуны төлөө харыг үйлдэж байгаагаа сана

Яагаад энэ хар

Төрөөр хамгаалагдаж

Түмнээр ивээгдэж

Хэмээр бөөцийлөгдөж

Энд чамайг авч ирсэн юм бэ?

Яагаад чамайг хүний үрийг ал гэж

Энд авч ирсэн юм бэ?

Яагаад хүний үрийг хөнөө гэж

Энд зогсоосон юм бэ?

Энийг чи хийхгүй бол

Давалгаалах дайсан чинь

Чиний охиныг хүчирхийлэхээр ирдэг юм

Даажигнах өстөн чинь

Үрийг чн боолчилхоор агсдаг юм

Дарвалзсан их ноёдууд чинь

Отгийг чинь талхалхаар дарваганадг юм

Дарлагдсан түмэн чинь

Өл хоолныхоо төлөө уртын зовлонг эдэлдэг юм

Энэ л дууг зүрхэндээ сийлж

Хард харлаж

Халуун цусаа хатааж

Цагаан тархиа бараантуулж

Тэсэж гараад

Цагаандаа ойртуулахгүй

Хар хил болж

Ар нуруундаа цагааныг

Урд нүүрэндээ харыг зүүж

Үхэх дайнд ордог юм...

Чи өөр оюун санаатай

Өөр гаргалгаатай байж болно

Энэ дайнд чи өөр өөрийн арга барил

Уухай жанжны чадвараар

Манлайлж, тэтгэж, тээвэрлэж

Яаж ч оролцсон байж болно

Гэхдээ эцэст нь

Ялалт бол зүрх чинь баясч

Нэг л хэлбэрээр цохилно

Ялагдал бол цусаа гоожуулж

Нэг л хэлбэрээр үхнэ гэдгийн улбаанд

Гэхдээ амьдын мөн чанар

Цохилох зүрх нэг л хэмнэлтэй учир

Зүрхэн тахилгаар ундаалж

Зүгээ манаж босдог юм..

Энэ зүрх

Амьдрал амгаланг чинь эвдсэн

Атаатан дайсных чинь байх уу

Алагдаж эзлэгдсэн чиний зүрх байх уу...

Ийм л бэлгэдэлтэй зүйлийг

Ихэс хаад, идэр жанжид бүтээж

Ард түмний оюун санаа зүрх сэтгэл

Үлгэр тууль өнчин өчлийн хүрээнд

Оршоосон юм

Оршиж байгаа юм ...